10/2022 agm Ihoberen Zirgaitu proiektuan parte hartzeko aukeratua izan da

Agm arkitektoak ZIRGAITU proiektuan parte hartzeko aukeratua izan da, Ihobek eta Eraikunek sustatutako euskal enpresa txiki eta ertainen lehiakortasuna eta gaikuntza sustatzea helburu duena, birgaitze iraunkorraren eta zirkularraren arloan.

Eusko Jaurlaritzako Ekonomiaren Garapen, Jasangarritasun eta Ingurumen Sailak, Ihobe Ingurumen Jarduketarako Sozietate Publikoaren bitartez, sustatutako Euskadiko ETE Zirkularraren laguntza-programa finantzatzeko aukeratua izan da Eraikuneko «berrikuntza zirkularretan ETEak gaituz» proiektua. Hala, datorren martxoaren 30ean, ZIRGAITU proiektua aurkezteko jardunaldi publikoa egingo da, interesa duten enpresa txiki eta ertain ororentzat.

Besteren artean, Zirgaituren helburu nagusietako bat Euskadiko energia-trantsizioko prozesua sustatzearen da, etxebizitzak birgaitzeko eredu jasangarriago baterantz, birgaitzearen balio-kateko euskal ETEen gaikuntza eta posizionamendua hobetuz (eraikuntza-enpresak, birgaitzaileak, diseinuko estudio edo ingeniaritzak eta hornitzaileak) eta hala nola marka berdearen bidez haien ospe korporatiboa hobetuz.

Zehazkiago, proiektu honek birgaitze jasangarriaren eta zirkularraren arloan dauden araudia eta metodologiak aztertu nahi ditu eta horrez gain, proiektuan parte hartzen duten ETEen negoziorako aldagai eta adierazle erakargarrienak definitzea. Ezagutza horren analisiaren eta aplikazioaren emaitzek informazio guztia bilduko duen eta erabakiak hartzea erraztuko duen tresna bat sortzeko oinarri gisa balioko dute, birgaitzeko hainbat irizpide kontuan hartuta, hala nola ekonomikoak, ingurumenekoak edo eraikuntza-soluzioen birziklagarritasunekoak.

Tresnarekin batera, prestakuntza-ekintzak egingo dira, bai eta ekintza-plan bat ere, metodologiak eta, ondorioz, tresna enpresen ohiko dinamikan integratzea ahalbidetuko duena, proiektuari erreplikagarritasuna eta transferigarritasuna emanez.

Aurrekoa kontuan hartuta, Zirgaitu proiektu estrategikotzat jotzen da, eta euskal enpresa txiki eta ertainen lehiakortasuna eta hazkundea hobetzen lagunduko du, gure lurraldeko etxebizitzen birgaitzearen sektorean eskariak eragindako egoeraren araberako erronkei erantzunez, Europako Itun Berdearen helburuekin bat etorriz. Izan ere, datozen urteetan etxebizitzen hobekuntza guztiz funtsezkoa izango da eraikuntzaren sektorearentzat eta euskal ekonomia osoarentzat. Horregatik, Eraikunetik birgaitzearen balio-kateko euskal ETEak gonbidatzen ditugu ZIRGAITU proiektuarekin bat egin dezaten.